الكمية تكفي:3 أشخاص
وقت الطهي:25 دقيقة
المقادير:2 كوب رز (ممكن بسمتي)
بس انا عملته بالرز العادي
2 كوب شوربة او ماء
ملح-قرفة-معلقة سمنة كبيرة_2 معلقة سكر-مكسرات حسب الرغبة_زبيب
وطبعا كبد وقوانص
بس انا ما استخدمتش كبد لان عندي مش في حد بياكلها للاسف
التحضير:اولا بنغسل الرز وننقعه
و بنحط معلقة السمن في الحلة
واول ما تسيح نحط معلقتين السكر علشان يتكرمل
وبعد كده نضيف الرز ونقلبه
ونسقيه بالشوربة
انا حسيت ان اللون مش غامق اوي
ضيفت ملعقة صغيرة عسل اسود
وممكن نستغنى عن الكراميل ونستخدم بداله عسل اسود
انا عملته بيه قبل كده وكان حلو برضه
وضيفت الزبيبالطبخ: واول ما يغلى نهدي النار خااالص لحد ما يستوي
وفي الوقت ده ممكن نحمص المكسرات لمده دقيقة في طاسة تيفال ناشفة علشان طعمها يبقى زي الطازة ومش يكون فيها رطوبة من الفريزر
ونقشر اللوز نحطه في مية بتغلى لمده دقيقة هتلاقيه اتقشر لوحده بكل سهوله
واول ما يستوي نحط في الطبق اللي هنقلبه فيه المكسرات وممكن نقطة زيت علشان يديله لمعه
وبعد كده الرز ونقلبه ونضيف حواليه باقي المكسرات
- Digg
- Delicious
- StumbleUpon
- Facebook