الكمية تكفي:8 أشخاص

وقت التحضير:15 دقيقة

وقت الطهي:35 دقيقة


المقادير:كوب دقيق منخول
كوب حليب
كوب سكر
كوب زيت
4 ملاعق مليانه كاكاو خام
2 بيضه كبيره + فانيليا
ملعقة طعام بيكنج بودر


التحضير:اول حاجه نروح نشغل الفرن على حراره متوسطه 10 دقايق كده نكون جهزنا الكيكه
وبعدين هنحط الحليب والزيت والسكر والكاكاو في الخلاط
ونضربهم كويس قوي 5 دقايق لحد ما الصوص يتقل معانا
لازم يبقى تقيل كده ولو حساه خفيف ممكن تحطي شوية زيت بسيط هيتقله جدا بس اضربيه كويس الاول
وبعدين هناخد من الصوص الرهيب ده كوبايه ونشيلها على جنب بس ماتملوهاش زيي كده ههههههههههه
الباقي اللي في الخلاط هنضيف عليه البيض والفانيليا وننزل اللي في الاجناب ونضرب كويس
هنصب الخليط ده على كوباية الدقيق اللي متقلب معاها كويس ملعقة البيكنج بودر
هنصب الخليط في صينيه مدهونه وصغيره شويه او متوسطه
هندخلها الفرن على حراره 200 لمدة ربع ساعه تقريبا بس راقبيها
وبعدين نقفل الفرن ونسيبها جوه 5 دقايق عشان ماتهبطش
هنطلعها ونقسمها اتنين و نحشيها بنص الكوبايه اللي شيلناها على جنب
وبعدين نحط باقي الصوص على الوش ونعيش مع الشيكولاته .. طعمها جاااااامد