الكمية تكفي:12 شخصا

وقت التحضير:60 دقيقة

وقت الطهي:45 دقيقة

المقادير:اول حاجة كيك الشوكولاتة
الطري جدااااا
1 و 3 /4 كوب دقيق منخوووول
مع 1 و 1/2 م صغيرة بكينج بودر
و 1 و 1/2 م ص بكينج صودا ( كربوناتو)
3 /4 كوب كاكاو
2 كوب سكر
3 بيضات
1/2 كوب حليب
1/2 كوب زيت
1/2 كوب مية مغلية مع معلقتين كبيرة قهوة
او نسكافيه
ملح وفانيلا
موس الفراوله للحشو
1 و 1/2 كوب زبادي
يعني 5 او 4 علب زبادي جهينة او اي نوع
العلبة 80 جرااااااااام
ورقه ونصف جيلاتين
فراوله مطبوخه
3/4 كوب فراااااولة مع 1/2 كوب سكر ومعلقة نشا
10 ملاعق كريم شانتيه مع 1 كوب ماء بارد
3 ملاعق مية ودوبت فيهم الجيلاتين الطرييضاف للكريم شانتي التحضير:ي الخلاط تحطي البيض والحليب والزيت
والملح والفانيلا وتخفقي لغاية اما يدخلهم الهواااااا
وبعدها تحطي عليهم السكر بالتدريج
على مرتين او تلاتة لغاية اما ينفش البيض
وتلاقيه تقيييل زي كأنه كريمة في الخلاط
وبسس خلاص تصبيهم على خليط المواد الجاافة
وتقلبي برفق وتحطي المية المغلية مع القهوة وتخفقي
وخلصت الكيكة والحمد لله
واللي بيعجبني في الكيكة دي غير انها بالشوكولاتة
انها بنص كوباية زيت بسسسس
ومع ذلك طرية جدااااا
وده حاجة فرحتني عشان نقلل الدهون شوية
وصبيت الخليط في صينتين أد بعض
طبعا ممكن صينية واحدة كبيرة
بسس الطريقة دي احسسن
عشان الكيكة من كتر ماهيا طرية مش بتستحمل انك تقسميها
ودخلتها فرن متوسط الحرااارة لهادي
من 170 الى 160 درجة
واستوت في 35 دقيقة بفضل الله
وطلعتها تهدى حرارتها وتبرد
وحطيتهها في نفس الصينية اللي كانت فيهاااااا
بس غلفتها ببلاستيك شفاف
وحبيت اوريكم الصورة دي يااحلى اخوااات
عشان تشوفوا لون كيكة الشوكولاتة الغاامق
لانها مليانة شوكولاتة
ورحت اعمل
حشوة زبادو الفراولة
اول حاااجة انقعي في المية ورقة ونص جيلاتين لغاية اما يطروا وسيبهم على جنب كده لوحدهم يعدوا النجوووووم
وبعدها جيبي 1 و 1/2 كوب زبادي
يعني 5 او 4 علب زبادي جهينة او اي نوع
العلبة 80 جرااااااااام
زي اللي في الصوووورة
تخلطيه في الخلاااااط مع 3/4 كوب فراولة مطبوخة
وبسسس كده
الصور بسم الله
دي 3/4 كوب فراااااولة مع 1/2 كوب سكر ومعلقة نشا
وحطيتهم عالنار يغلوا مع التقليب بدون اي مية
وبعدها طفييييت وياااااسلام عالريييحة اللي كلها فراااااولة ماشاء الله
وبعدها صبيت الفراولة المطبوخة على الزبادي في الخلااااااط وضربتهم في دقيقة
وبأه شكله جمييييل ماشاء الله وربنا ستر اني ماشفطتش الخلااااط
قبل مااحشي التورتة هههههههههه
والله وقلت اخيرااااا عرفت اعمل زبادو زي جهينة
طعمه زيه بالضبطط بفضل الله وعرفت السر
اني كنت لما بعمل زبادو بضرب الفراولة مع الزبادي وسكر في الخلااااط
اسمي الله وادوق الاقي الطعم حلوووو بس ناقصه حاجة مش عارفة اييييه هيا ؟؟؟؟
لغاية اما ربنا هداني اني اطبخ اي فاكهة عايزة اعمل بيها زبادو
( مشروب زبااااادي اللي كلنا بنموووووت فيه )
ودلوقتي خلصت كريمة زبادو الفرااااولة
باقي تحطي عليها الكريمة بسسسسس
بفضل الله
خفقت 10 ملاعق كريم شانتيه مع 1 كوب ماء بارد
زي كده وبعدها
غليت 3 ملاعق مية ودوبت فيهم الجيلاتين الطري وبسسس
وبعدين صبيت الجيلاتين عالكريمة
وخفقت وبسس
وحطيت الكريمة عالزبادو وخفقت
ولو لقيتي اللون فاااااتح اوووي زودي
لون احمر بودرة
او جيلي فراولة بودرة اللي تحبيه
ودي وهيا بتتخفق واللون رقيييق اوووووووي
وده لما صبيت موووس زبادو الفراولة على الكيكة
وحطيت الكيكة التانية فوقها ودخلتها التلاجة
لثلاث ساعات تجمد
زي اي كيكة عااااااادية بتدخل الثلاجة
عشان تمسك نفسها وتبقى حلوة ومقطقطة ساعة التقديم
ان شاء الله
والمفاجآآآآة ده اللي اتبقى من موس الزبادو
عشان التزيين والحكاية انا تعلمتها بفضل الله كده
اصل ايه صلوا عالنبي
لااااازم الواحد يفكر برده مش اخلص الحشوة كلها
وبعدها اقعد احتاس هزين التورتة باييه ان شاء الله
برده عشان الشكل يبقى حلو وجمييييل
والله يحلي ايامكم ويسعدكم قولوا آآآمين
اصل ايييه الفايدة لما بعد كل تعبي في التورتة
اقدمها كده بدون منظر يسر العين والقلب
عشان مهما الكيكة كانت طعمها راااائع
وشكلها مش ولابد مش هنفرح بيها
وده السر اللي بيخلينا بنقول الله عالجماااال
لما نشوف تورتة في اي محل حلوياااات
وفي اندماجي في الرغي معاكم يااحلى اخوات
نسيت اقولكم ان لما نطلعها نغطيها باي صوص
شوكولاتة معتمدااه عندك بجد
كل صوص شوكولاتة وليه ميزة
او تغطيها بصوص شوكولاتة جاااااهز
بس انا غطيتها بجناش الشوكولاتة اللي في الرااابط ده
بربع كوباية قشطة فقططططط ملاحظات:يوجد رابط بداخل الموضوع لطريقه جناش الشيكولاته

- الكيكة لو عايزها للريجيم
اعمليها نفس المقادير والحشوة تعمليها نفس الخطوات بس السر بأه بدل الكريم شانتيه
حطي لبنة ( يعني زبادي متصفي ميته)
وطبعا تدوقي السكر تشوفيه مضبوط في الحشوة ولا لأ حسب ذوقك

2- لو مش عايزة تعملي زبادو في البيت وعايزة توفري الوقت والمجهود ولو مستعجلة
اشتري عبوة زبادو بالفراولة جااااهزة زي دي
وكملي باقي خطوات الحشوة عااااااادي

3- لو مش بتحبي الفراولة ممكن تعملي حشوة الزبادو باي
نكهة تاااااانية تحبيها خوخ او مانجا وبرده نفس الخطواااات
ان شاء الله

4- دلوقتي طريقة رسم وردة السوسن اللي على الكيك
بصراحة انا تعلمت اني لما احب ارسم عالكيك
لااااازم اتقن الرسمة الاول على ورقة
واعرف بتبدي وتنتهي منين وده مهم جداااااا
لان يعني اختكوا فاشلة في الرسم
ومش بعرف ارسم كده مني لنفسي

تعلمت حتى لما ارسم الرسمة احددها بالسكينة الاول عالكيكة
عشان امشي عالخطوط اللي رسمتها بالكريمة
عشان تطلع مضبوطة ومش الخبط شكل الكيكة
ودي خطوات رسم وردة السوسن الجميييييلة